Klubi i Basketbollit Prishtina ka “goditur” në merkaton e verës duke transferuar Arti Hajdarin.
Hajdari së fundmi ishte pjesë e KB Pejës, ndërsa nga sot do të jetë basketbollist i Prishtinës, shkruan lajmi.net.
Lajmin e ka konfirmuar faqja zyrtare e klubit prishtinas në rrjetet sociale.
“Zyrtare: Artistikisht, shtëpia e kampionëve rritet edhe me një kampion. Arti Hajdari i cili ka qenë pjesë e skuadrave si Rahoveci, Feronikeli, Ponte Prizreni dhe Peja, nënshkruan kontratë dyvjeçare me klubin më të trofeshëm në vend. Hajdari specialitet i ka gjuajtjet nga distanca ku gjatë sezonit të kaluar pati saktësi të mrekullueshme në gjuajtjet për 3 pikë (45%)” – thuhet në njoftimin zyrtar të KB Prishtinës.
Hajdari më parë karrierë ka bërë edhe te Rahoveci, Feronikeli e Ponte Prizreni./Lajmi.net/
