Kombëtarja e Kosovës në futboll sot gjatë ditës ka mbajtur seancën e parë stërvitore në prag të dy ndeshjeve të muajit qershor, të vlefshme për fazën para-kualifikuese për Euro 2024.
Shtatë nga 23 lojtarë të përfshirë në listën e përzgjedhur nga Alain Giresse ishin në stërvitjen e së enjtës në Kampin “Nacional” në Hajvali, shkruan Lajmi.net
Amir Rrahmani, Lirim Kastrati, Betim Fazliji, Ermal Krasniqi, Samir Ujkani, Aro Muric dhe Visar Bekaj ishin të pranishëm në seancën e parë stërvitore të Kosovës, para ndeshjes me Rumaninë në stadiumin “Fadil Vokrri”.
Në stërvitjen e parë Giresse aplikoi ushtrime të lehta, duke mos ngarkuar lojtarët “dardan”. Nesër Kosova do të mbajë dy seancë stërvitore. E para nga ora 10:30 e mëngjesit, ndërsa e dyta do të jetë prej orës 17:00.
Kujtojmë që gjatë këtij muaji “Dardanët” luajnë edhe ndaj Bjellorusisë, ky takim zhvillohet në Budapest./Lajmi.net/
