Bayern Munichi ka njoftuar zyrtarisht për nënshkrimin me Konrad Laimer.
26-vjeçari në “Allianz Arena” kalon si lojtar i lirë, pasi kontrata e tij me Leipzigun i skadoi.
“Është një ëndërr e realizuar për mua. FC Bayern është një nga klubet më të mëdha në botë. Unë do të jap gjithçka për klubin dhe tifozët. FC Bayern gjithmonë ka qëllimet më të larta – ashtu si unë, në vendin e duhur këtu. Unë jam në gjendje të jap vetëm 100 për qind dhe kjo është ajo që do të vendos në çdo seancë stërvitore që nga dita e parë. Mezi po pres”,ka thënë ai.
Mesfushori austriak me kampionët e Gjermanisë ka nënshkruar kontratë deri në verën e vitit 2027.
