Në finalen e Championsit në Stamboll, ka pasur personalitete dhe figura shumë të njohur të cilat kanë marrë një ftesë zyrtare nga vetë UEFA ose edhe nga klubet respektive.
Mes shumë figurave, prezent në stadium ishte edhe i famshmi Salt Bae. Pronari i një prej restoranteve më të njohura në botë, ishte në “Ataturk Stadium” për të ndjekur ndeshjen mes Sitit dhe Interit. Megjithëse është nën hetim nga FIFA, ai ka arritur të jetë pjesë e një tjetër ndeshjeje të madhe.
Salt Bae u bë protagonist në Botëror, duke hyrë deri në fushë aty ku edhe arriti të merrte në dorë trofeun për të puthur e duke bërë foto me të. Por, kjo është në kundërshtim me të gjitha protokollet, duke thyer rregullat e FIFA-s, gjë e cila e detyroi organin më të lartë të futbollit për të nisur një hetim karshi tij.
PANORAMASPORT.AL
