Mançester Siti ka arritur të fitojë tripletën këtë sezon, duke mundur së fundmi Interin në finalen e Championsit. Ditën e djeshme, “qytetarët” kanë lënë Stambollin dhe janë rikthyer në Angli aty ku ka pasur me qindra tifozë duke i pritur në aeroport.
Nuk kanë munguar as fotot nga avioni, ku edhe vetë pilotët janë përfshirë duke ruajtur disa kujtime nga kabina e pilotimit së bashku me futbollistët dhe me trofeun e Championsit. De Bryjn që u largua edhe si i dëmtuar nga ndeshja, shihet me një kurorë në kokë, duke treguar edhe një herë se kush janë kampionët e rinj të Europës.
Ndërkohë, sot do të mbahet edhe parada e tripletës në qytet, aty ku skuadra do të përshëndesë tifozët me anë të autobusit të hapur. Në rrugët e qytetit, pritet që të ketë me mijëra tifozë.
PANORAMASPORT.AL
