Nuggets mundët Miami Heat në ndeshjen e katërt të serisë dy ditë më parë, duke e çuar epërsinë në 3-1, por maskota e ekipit vendas pati një ditë të vështirë.
Duket se maskota e quajtur Burnie, sfidoi McGregor në parketin e supersfidës, dhe irlandezi, i njohur si një nga luftëtarët më të fuqishëm të UFC-së, e ka goditur dy herë me grusht duke e lënë në tokë KO.
Gjatë pushimit të një prej intervaleve të ndeshjes së NBA, McGregor do të promovonte një sprajt qetësues të dhimbjeve, por grushti i tij ndaj maskotës duket se ka qenë i pakontrolluar dhe ka bërë që ai të përfundonte në spital prej dhimbjeve. Nga një shaka, inskenim, përfundoi në një dhimbje të madhe për maskotën Burnie.
Sipas raportimeve, maskota ka përfunduar në urgjencë në spitalin lokal pas dhimbjeve. Sipas “The Athletic”, Burnie nga spitali ka shkuar në shtëpi ku ka përdorur edhe ilaçe kundër dhimbjeve./ h.ll/abcnews.al
REPORT: “The Heat’s mascot, Burnie, had to go to the ER last night after a mid-game bit with former UFC champ Conor McGregor,” via @sam_amick.
— Hoop Central (@TheHoopCentral) June 10, 2023
