Xhengis Rexhepi nuk do jetë më në krye të Lirisë.
Lajmin e ka bërë të ditur vetë klubi, me anë të një njoftimi, transmeton lajmi.net.
Rexhepi ndihmoi ekipin nga Prizreni të ngjiten në elitën e futbollit kosovar, pasi siguruan vendin për në Superligë.
Ndërprerja e kontratës ka ndodhur me pëlqim të dy anshëm.
Më poshtë lajmi.net jua përcjellë njoftimin e klubit (pa ndërhyrje):
“Faliminderit Xhengis !
Me inkuadrimin në Superligë, Liria dhe trajneri Xhengis Rexhepi, kan ndarë rrugët.
Kontrata e klubit me trajnerin, ka qenë deri në përfundim të stinorit, që zyrtarët e vlerësojnë të suksesëshëm.
Klubi, e falenderon për punën profesionale dhe suksesin e arritur.
‘Po ndahemi me marrëveshje të dyanshme, dhe me bindjen që kjo nuk është lamtumirë.
Dera për trajnerin Xhengis Rexhepi , do të jetë e hapur gjithmonë’, thonë drejtues të Lirisë. Klubi i dëshiron suksese në vazhdim, duke e falenderuar në emër të tifozëve e adhuruesve anë e kënd, për punën dhe suksesin e treguar.”/Lajmi.net/
