Ndonëse edhe pas një humbjeje disi të shëmtuar kërkonte të gjente pas shpresë, Virxhil Van Dajk pranon se fytyra e vërtetë e Holandës është pikërisht pasqyra e ndeshjes së djeshme me Kroacinë.
Edhe pse në dukje ata kanë lojtarë të rinj shumë interesantë, janë rezultatet dhe mbi të gjitha vazhdimësia e tyre ajo që mungon.
“Kjo është një humbje që të dhemb shumë, sepse deri në sekondën e fundit luftuam si luanë. E dimë që e nisëm mirë, por në pjesën e dytë gabuam rëndë dhe pësuam përmbysje. Por goli i Lang, i cili u duk sikur na riktheu në rrugë, në të vërtetë nuk vlejti për arritjen tonë në finale. Na vjen shumë keq, pasi donim që t’ia dhuronim tifozë tanë këtë gjë, për të provuar të dielën që të ishim protagonistë në shtëpinë tonë, por realiteti i Holandës fatkeqësisht është ky. Nuk kemi vazhdimësi në lojë e rezultate dhe pa dyshim që përballë kombëtareve me eksperiencë e cilësi si Kroacia këto gjëra paguhen shumë rëndë”, deklaroi “tulipani” i Liverpulit.
PANORAMASPORT.AL
