Në kuadër të Grupit I të kualifikimeve drejt Euro 2024, përveç Kosovës, ndeshje sot do të zhvillojë edhe Kombëtarja e Zvicrës.
Me fillim nga ora 20:45 stadiumi “Nacional” do të jetë nikoqir i ndeshjes mes Andorrës dhe Zvicrës.
Zvicra i prin Grupit I me gjashtë pikë, aq sa ka edhe Rumania në vendin e dytë, kurse Andorra pas dy ndeshjeve ka arkëtuar vetëm një pikë dhe zë vendin e katërt në grup.
Futbollistët me prejardhje nga Kosova, Xherdan Shaqiri dhe Granit Xhaka do të synojnë një tjetër fitore në këto kualifikime, ku edhe janë titullarë në ndeshjen e sotme ndaj Andorrës.
Formacionet zyrtare:
Andorra: Alvarez; San Nicolas, Llovera, Alavedra, Guillen, Rubio; Cervos, Vales, Rebes, Jordi Alaez; Rosas.
Zvicra: Kobel; Elvedi, Akanji, Rodriguez; Fernandes, Zakaria, Xhaka, Freuler; Shaqiri, Vargas; Amdouni.
