Në Francë janë shënuar përleshje mes policisë dhe protestuesve që kundërshtuan projektin e hekurudhës të linjës së shpejtë Lyon-Torino.
Sipas lajmeve në shtypin francez, mijëra ambientalistë protestuan në fshatin La Chapelle duke kundërshtuar projektin për ndërtimin e linjës së trenit të shpejtë mes qytetit Lyon të Francës dhe qytetit Torino të Italisë.
Protestuesit mbrojnë idenë e tyre se projekti për linjën e trenit Lyon-Torino i njoftuar vite më parë, është i dëmshëm për mjedisin dhe ndikon negativisht burimet ujore të rajonit.
Në protestë u shënuan përleshje mes policisë dhe protestuesve. Policia ndërhyri me gaz lotsjellës ndaj protestuesve që hodhën gurë ndaj forcave të sigurisë.
Sipas burimeve zyrtare, në protestë u plagosën 12 forca të xhandarmërisë dhe një protestues.
Para protestës u arrestuan 27 të huaj të cilët e kishin të ndaluar hyrjen në territorin e Francës dhe të njëjtit iu dorëzuan Italisë. Për personat në fjalë kishte dyshime se dëshironin të merrnin pjesë në protestë.
