Pas Krasniqit, Pllanes, Prapashtices dhe Shabanit largimi i pestë i skuadrës së Superligës së Kosovës në Futboll, FC Prishtina është kapiteni Gledi Mici.
Mbrojtësi i majtë nga Shqipëria ka tre vite që është pjesë e skuadrës më të trofeshme në futbollin kosovar.
32-vjeçari ka konfirmuar ndarjen me klubin Prishtinas nëpërmjet një postimi në llogarinë e tij zyrtare në Facebook.
“Bashkëpunimi me Fc Prishtinën përfundon. Faleminderit për këto tre vite të mrekullueshme”, ka shkruar Mici.
Mici sezonin e fundit ka mbajtur shiritin e kapitenit te Prishtina.
Ai pritet së shpejti të vendos për skuadrën e re, ku nuk mungojnë ofertat nga kampionati kosovar dhe ai shqiptar./atvlive.tv/
Teilen:
