Pas shumë aludimesh e thasheshemesh në media, “pleshti” argjentinas, Lionel Messi vendosi të vazhdojë karrierën e tij, në Kampionatin amerikan të futbollit, MLS, ku do ti bashkohet gjatë muajit korrik skuadrës së Inter Miami.
Aktualisht, 7 herë fituesi i “Topit të Artë” është duket shijuar ditët e tij të pushimit dhe të dielën ishte i pranishëm në ndeshjen miqësore mes “gjiganëve” argjentinas të Boca Juniors dhe Kombëtares argjentinase, ndeshje e cila u zhvilluar në nder të “legjendës” së futbollit, Juan Roman Riquelme, me këtë të fundit që luajti lojën e tij të lamtumirës 8 vite pas heqjes dorë nga futbolli.
Në përfundim të ndeshjes, Messi foli disa fjalë për mediat, nga ku përveç tha se ishte tepër i emocionuar për rikthimin në stadiumin “La Bombonera”, theksoi gjithashtu se është shumë i ngazëllyer për “aventurën” e tij të re tek Inter Miami.
“Është shumë bukur të jesh në ndeshjen e lamtumirës së Juan Riquelme, duke pasur parasysh se çfarë do të thotë për futbollin në Argjentinë, për Boca Juniors, të luash sërish një ndeshje në La Bombonera. Më pas do të kem disa ditë pushime dhe më pas do të vij në një qytet të ri, në klubin tim të ri Inter Miami, jam shumë i emocionuar”,- u shpreh Lionel Messi.
