Kylian Mbappe ka një marrëveshje me Real Madridin për t’iu bashkuar në korrik 2024, raporton Santi Aouna.
Megjithatë, nuk përjashtohet mundësia që francezi të nënshkruajë për Los Blancos këtë verë.
Nëse Mbappe transferohet te Real Madrid këtë verë, tarifa e transferimit do të jetë 180-200 milionë euro.
Nëse 24-vjeçari vendos të qëndrojë në Paris Saint-Germain për një sezon të fundit, ai do t’i bashkohet Real Madridit falas verën e ardhshme. Përveç kësaj, superylli francez do të merrte një bonus besnikërie prej 90 milionë eurosh nga PSG në shtator.
As PSG dhe as Real Madrid nuk kanë në plan të arrijnë marrëveshjen shpejt. Nëse të dyja palët bien dakord për lëvizjen e kësaj vere, ajo ndoshta do të përfundojë në javët e fundit të merkatos. /G.D /abcnews.al
