Pas vetëm 15 përballjesh të zhvilluar me fanellën e “bardhezinjve” të Juventus, mesfushori zviceran, Denis Zakaria, duket se do t’i jap fund “aventurës” së tij në Serie A, përgjatë kësaj merkatoje vere.
Sipas raportimeve më të fundit nga mediat italiane, për 26-vjeçarin, interesim të madh kanë shfaqur “çekiçët” e West Ham dhe jo vetëm, me nënkampionët e Ligue 1, Lens që kanë shfaqur gjithashtu interesim të madh për “helvetin”, teksa e konsiderojnë këtë të fundit, si një përforcim tepër të rëndësishëm për sezonin e ardhshëm të Champions League.
Mirëpo, për largimin e Zakaria nga Torino, problem pritet të jetë çmimi, me francezët që tashmë kanë ofruar 15 milionë euro për zviceranin, ndërsa “bardhezinjtë” e Juventus, nuk pranojnë më pak se 20 milionë euro për kartonin e tij. /i.m /abcnews.al
