E ardhmja e Andre Onanës është ende e paqartë, me portierin që është vendosur në merkato nga Interi dhe me Mançester Junajtidin që ndjek me vëmendje situatën e tij.
Zikaltrit kërkojnë 50 milionë euro dhe presin një ofertë të tillë nga anglezët, që nga ana e tyre nuk pritet të rinovojnë kontratën e David de Geas.
Një mendim për 27-vjeçarin e ka dhënë edhe ish-portieri i zikaltërve, Sebastian Frei.
“Futbolli sot ka ndryshuar pak në krahasim me atë të brezit tim. Në atë kohë, Interi i Moratit mund të përballonte të mbante një lojtar pavarësisht nga shuma. Sot ka nevoja të tjera, por është e vështirë të gjesh një portier të madh për një klub të mirë dhe tani Interi e ka atë. Nëse do të ishte në dorën time, do ta mbaja, ai është i rëndësishëm për ndërtimin e një ekipi që dëshiron të fitojë. Nëse oferta do të vijë, mendoj se Interi do ta shesë. Sot, nëse do të më duhej të rendisja në Itali, do të ishte Onana, Menja Shezni”, u shpreh francezi.
PANORAMASPORT.AL
