Nikolo Zaniolo është drejt rikthimit në Serinë A italiane, aty ku Juventusi po kërkon të sigurojë shërbimet e futbollistit. Në një intervistë ë dhënë, sulmuesi italian shprehet se dëshira e tij është që të jetë te Juventusi, pasi ka qenë tifoz i tyre që fëmijë.
“Nëse një mundësi e mirë duhet të vijë për Galatasaraj dhe për mua deri në fund të gushtit, do ta marrim në konsideratë. Duke filluar me mundësinë për të qëndruar te Galatasaraj, ku ndihem mirë.
Por Juve është Juve, edhe pa Ligën e Kampionëve apo kupat ndërkombëtare. Si fëmijë kam mbështetur gjithmonë bardhezinjtë, idhulli im ishte Pogba. Do të doja të luaja për Juven. Po flasim për një klub të madh”, shprehet Zaniolo.
PANORAMASPORT.AL
