Në mediat sociale po qarkullon një fanellë e Barcelonës, e cila besohet të jetë për ndeshjet si mysafir në edicionin e ri.
Fanella e cila ende nuk është zyrtarizuar është me ngjyrë krejtësisht të bardhë e cila i përngjan asaj tradicionale të Real Madridit, rivalit më të madh të klubit katalunas.
Dyshimet për këtë fanellë të bardhë shtohen edhe më shumë pasi Barcelona nuk është e panjohur për ngjyrën e bardhë, sepse në fillimet e ekzistencës së saj, nga viti 1899 deri në 1913, ajo kishte veshur fanella të bardha. Në lidhje me këtë ka reaguar edhe gazetari Marsal Llorente.
“Barcelona do të veshë të bardha.
Edhe pse në të kaluarën ka veshur fanella të tilla në disa ndeshje të caktuara, e bardha nuk është ngjyra e identitetit të Barçës, sepse është nga rivali i madh Real Madrid”, ka shkruar gazetari Marsal Llorente.
