Timoti Ueah është zyrtarisht futbollist i Juventusit pas ditën e djeshme u prezantua nga bardhezinjtë. Sulmuesi amerikan transferohet te Juventusi nga klubi francez i Lilës dhe ky operacion i ka kushtuar Juventusit rreth 10 milionë euro.
Në fjalën e tij të parë si futbollist i Juventusit, Ueah e ka nisur me shprehjen e famshme të babait të tij, Xhorxh Ueah i cili thoshte “Përshëndetje të gjithëve, të bukur e të shëmtuar”.
Kështu nis edhe aventura e Timoti Ueah që në intervistën e parë shprehet i lumtur që ka firmosur me bardhezinjtë. “Përshëndetje të gjithëve, të bukur e të shëmtuar. Jam unë, Tim. Jam shumë i lumtur që jam bardhezi dhe shpresoj të shihemi sa më shpejt. Mezi po pres të luaj për ju dhe shpresoj të jap më të mirën”, shprehet Ueah.
Ciao a tutti, belli e brutti! 😎 pic.twitter.com/3hFkl7kVV8
— JuventusFC (@juventusfc) July 1, 2023
PANORAMASPORT.AL
