Bajern Mynih e ka nisur merkaton e verës me një goditje të madhe duke afruar në skuadër mbrojtësin që doli kampion me Napolin, Kim Min Jae.
26-vjeçari nga Korea e Jugut ka treguar një formë të jashtëzakonshme ne Napolin këtë sezon dhe ra në sytë e shumë skuadrave në Europë mes të cilave ishin Junajtid e Bajern Mynih. Këta të fundit ishin më konkretë me ofertën e tyre duke paguar klauzolën prej 50 milionë eurosh.
Mbrojtësi do të mbërrijë në Mynih ditën e nesërme dhe të mërkurën do të kryejë edhe vizitat mjekësore para se të zyrtarizohet nga bavarezët. Nga transferimi në Mynih, Kim merr edhe një rritje të konsiderueshme të pagës e cila nga 2.5 milionë euro shkon në 7.5 milionë euro.
PANORAMASPORT.AL
