Kryetari i komunës së Gjakovës, Ardian Gjini, ka njoftuar se i ka nënshkruar dy kontrata për vazhdimin e ndërtimit të stadiumit të qytetit.
“Jam shumë i lumtur që sot nënshkruam dy kontrata për dy fazat në vazhdim për ndërtimin e Stadiumit të Qytetit.
Do të ndërtohen tribuna lindje, tribuna jug dhe fusha e gjelbër.
Ky investim i komunës për të dy llotet është në vlerë prej 2 milionë e 541 mijë euro.
Dy kompanitë fituese të kontratave PE-VLA-KU dhe Fidani-L janë kompani të cilat janë dëshmuar në projekte të mëhershme”, njoftoi ai në ‘Facebook’./Lajmi.net/
