Një javë më parë kaloi zyrtarisht te Milani për një total prej 18 milionë eurosh (16 plus 2 mln të tjera bonuse) duke firmosur edhe kontratën 4-vjeçare me klubin e tij të ri.
Pasditen e së martës, Ruben Loftus-Cheek është prezantuar përpara mediave, duke zbuluar edhe numrin që do të mbajë.
Si ndiheni si lojtar i Milanit?
“Është një ndjesi e veçantë, pasi për mua nis një kapitull i ri.
Kam kaluar 20 vjet te Chelsea, kështu që ky është një moment i veçantë për mua.
Fakti që gjithçka po ndodh te Milani e bën situatën edhe më të pabesueshme, sepse do të kem mundësinë të luaj në “San Siro” për këtë klub të madh, i cili ka një histori të madhe.
Shumë legjenda kanë luajtur këtu, ndaj për mua është nder të vesh fanellën kuqezi“, tha Ruben Loftus-Cheek.
