PSG prezantoi ditën e djeshme trajnerin Luiz Enrike dhe në konferencën e shtypit ishte i pranishëm edhe presidenti Naser Al Khelaifi, por ky i fundit mbërriti disa minuta me vonesë.
Mediat franceze kanë zbuluar ehe arsyen e voneseës dhe bëhet fjalë për një arsye jo të vogël. Shtëpia e Al Khelaifit në Paris është pushtuar nga hetuesit duke qenë se Tajeb Benabderrahman ka akuzuar presidentin për pengmarrje dhe torturë në Katar në vitin 2020.
Ky denoncim ka bërë që hetuesit të shkojnë në apartamentin e presidentit dhe për të hetuar nëse mund gjejnë diçka që lidhet me akuzat kundrejt tij. Vetë Al Khelaifi i ka kërkuar hetuesve që të bëjnë gjithçka kanë mundësi për të mbyllur çështjen sa më shpejt sepse sipas tij nuk ka ndodhur asgjë dhe ka ofruar bashkëpunim të plotë për të zbardhur ngjarjen. Duke ditur se ishte konferenca e prezantimit, Al Khelaifi është larguar nga shtëpia duke firmosur një prokurë që i lejonte hetuesit të kërkonin në shtëpinë e tij edhe pa qenë ai vetë prezent.
PANORAMASPORT.AL
