“Telenovela” e Herri Kejn ne merkaton e transferimeve ka përfshirë në vorbullën e diskutimeve edhe “mësuesin” e bomberit 29-vjeçar.
David Briknell ka luajtur rolin e trajnerit të moshave në Rixhuei Rovers në vitin 1999, kohë kur Herri Kejn u përfshi tek ata në moshën 6-vjeçare. Precedentë interesante mbi këtë etapë gjen qasje ndeshja e parë e Herrit. Briknell e vendosi në pozitën e portierit, por që më vonë reagimi i një gruaje, buzë fushës se personazhi fjalë kishte tipare ofensive rezultoi pika e kthesës për të ndikuar pozitivisht te Dejvid.
Brinkell është rrëfyer në prestigjiozen gjermane “Sport Bild”, se Kejn do të ishte padyshim futbollisti ideal i Bajernit, madje mund të shënojë mbi 100 gola tek ata në kohë të shkurtër, pavarësisht se nuk ngurroi te hidhet “helm” rreth ofertës prej 80 milionë eurosh.
KALIMI NË MYNIH- “Herri mbart vlerat më të larta të një lojtari profesionist në të gjitha drejtimet. Vështirë t’i gjesh gabime, si brenda fushës, ashtu edhe në jetën personale. Jam i bindur se do të rezultonte lëvizje efikase zhvendosja në Mynih.
I aftë të mbrojë shkëlqyeshëm, të luajë pozitën e liderit, ndërsa për finalizimet nuk kanë çfarë të them, fusha ka folur mjaftueshëm në sezonet e fundit. Edhe pse mbështetja ndaj Totenhemit është e madhe, ambicia dhe mundësitë e suksesit përkojnë me pole të ndryshme. Besimplotë se nëse ndodh transferimi në Gjermani, Kejn do ta arrijë kuotën e 100 golave në kohë rekord”.
OFERTA E BEFTË- “Sapo dëgjova se kampionët e Bundesligës i kishin adresuar propozimin prej 80 milionë eurosh në sigurimin e 29-vjeçrait, më erdhi për të vjellë. Tarifa e duhur në hipotekimin e një bishe të tillë goli vlerësohet me koston e 200 milionë eurove”, përfundoi 59-vjeçari.
PANORAMASPORT.AL
