Françesko Açerbi u transferua në verën e kaluar te Interi mes shumë protestash të tifozëve zikaltër, të cilët nuk ishin të lumtur që në radhët e tyre do të afrohej nja milanist. Por “basti” i trajnerit Simone Inzagi doli i fituar, pasi mbrojtësi u kthye në një nga pikat kyçe të skuadrës në rrugëtimin drejt fitores së Kupës së Italisë dhe finales së L:igës së Kampioneve.
Lojtari ishte në huazim me të drejtë transferimi përfundimtar nga Lacio dhe sot, Interi bëri të ditur se 35-vjeçari do të vazhdonte të vishte ngjyrat zikaltër. Nëpërmjet një njoftimi në rrjetet sociale, Interi bëri të ditur se kishte ushtruar të drejtën e transferimit përfundimtar të Açerbit, sipas akordit fillestar që kishte me Lacion, duke bërë lojtarin përfunidmisht pjesë të ekipit.
Ai pritet të ketë një rol qendror edhe në këtë sezon, pasi ka treguar se përshtatet mirë me skemat e Inzagit, duke bërë të mos ndjehet shumë mungesa e Milan Skrinjar, i cili u largua drejt PSG-së, apo edhe De Vraj i cili kaloi në zgjedhje të dytë.
🆕: @Acerbi_Fra ancora Nerazzurro 🙌🖤💙#ForzaInter
— Inter (@Inter) July 7, 2023
PANORAMASPORT.AL
