Sherif Kallaku u transferua në këtë merkato vere, nga skuadra e Teutës, te rumunët e Sepsit, të cilët mbrëmjen e sotme, arritën të triumfonin në finalen e Superkupës, duke mposhtur kampionët e Farul Konstanta, me rezultatin 0-1, falë golit të shënuar nga Gheorghe në minutën e 47-të.
Një atmosferë elektrizuese u regjistrua në stadiumin “Ilie Oana” të Ploiestit, teksa në fund ishte skuadra e Kallakut që festoi.
Për sa i përket mesfushorit shqiptar, ai nuk u aktivizua në këtë përballje, duke e ndjekur ndeshjen nga stoli. Vlen të theksohet fakti që në sezonin që sapo u mbyll, skuadra e Sepsit, fitoi Kupën e Rumanisë, ndërkohë që Farul Konstanta fitoi kampionatin.
PANORAMASPORT.AL
Teilen:
