Kilian Mbape është padyshim emri më i diskutuar i merkatos së verës, pasi PSG po planifikon të shesë futbollistin francez meqë ai refuzon të rinovojë. Për këtë temë ka folur edhe ai që e ka afruar francezin në radhët e këtij klubi, braziliani Leonardo, i cili ishte për shumë vite drejtori sportiv i parisienëve.
Duke folur për “L’Equipe”, ai shprehu bindjen e tij se tashmë ishte momenti që Mbape të largohej nga ky klub.
“Për të mirën e PSG-së, është momenti që Mbape të largohet, nuk ka rëndësi se si. PSG ekzistonte para tij dhe do të ekzistojë pa të. Ai ka 6 vite në Paris dhe ka 5 skuadra që nuk kishin Mbape dhe kanë fituar Ligën e Kampioneve.
Mbape është një lojtar i madh, por nuk është një lider. Ai është një golashënues i madh, por nuk është krijues. Është e vështirë që të ndërtosh një skuadër rreth tij”, tha Leonardo.
PANORAMASPORT.AL
