Harry Maguire ka qenë kapiteni i United që nga janari 2020, por mbrojtësi anglez ishte jashtë për pjesën më të madhe të sezonit të kaluar, me Bruno Fernandes që mbante shiritin në vendin e tij.
I pyetur nëse do ta linte skuadrën të vendoste për kapitenin e ekipit, trajneri holandez Erik ten Hag u përgjigj: “Jo, nuk e lë dhomën e zhveshjes të votojë. Është në dorën time”.
Maguire është efektivisht qendërmbrojtësi i pestë i United, pas Lisandro Lopez, Varane, Lindelof dhe Shaw.
Sipas asaj që raportoi “The Athletic” muajin e kaluar, megjithëse Maguire dëshiron të luftojë për vendin e tij, United dëshiron ta shesë.
Ndërkohë, trajneri i Anglisë, Gareth Southgate, ka paralajmëruar se rrezikon të humbasë vendin e tij në kombëtare nëse nuk merr minuta të qëndrueshme në nivel klubesh.
Përveç Fernandes, shiritin në krah e mbante edhe De Gea, i cili tashmë nuk është më portieri i “djajve”.
