Robert Gjeraj i dha fund karrierës së tij si futbollist.
Pas shumë viteve në karrierë në futbollin vendor, ai vendosi t’i var këpucët në moshën 39 vjeçare.
Së fundmi Gjeraj ka vazhduar me zejen e trajnerit, duke udhëhequr kështu Lirinë U20.
Në një intervistë për lajmi.net ai u pyet në lidhje me Ilir Dajën, i cili po tregon paraqitje fenomenale me Ballkanin.
“Ilir Daja është trajneri më i suksesshëm edhe më i miri deri tash, që po tregon rezultate dhe ja ka arrit me fut në histori Ballkanin.
Është një vlerë e madhe që është pjesë e Superligës sonë. Shpresoj që të qëndron shumë gjatë pasi i ka bërë edhe një reklamë për futbollin e Kosovës.
E bën një punë të madhe. Po më vjen pak marre me fol unë për Ilir Dajën se ai është një trajner shumë i madh unë me jep vlerësime për të është diçka e vogël”, u shpreh ai.
Tutje Roberti u shpeh i lumtur edhe për suksesin e Ballkanit në Evropë.
“Jam shumë i lumtur që Ballkani ka arrit këtu edhe vjet edhe tash”, tha ndër të tjera ai./Lajmi.net/
