Dushan Vlahoviç është shumë pranë kalimit te PSG, pasi ka gjetur akordin me francezët. Futbollisti i Juventusit, raportohet se tashmë është bërë gati që të transferohet në kryeqytetin francez, pasi ka zgjidhur gjithçka sa i përket marrëveshjes financiare që ka me klubin.
“Footmercato” në Francë ka mësuar nga burime pranë klubit parisien se bisedat me futbollistin janë finalizuar dhe ai ka rënë dakord për kontratën e re pesëvjeçare, deri në qershorin e vitit 2028, nga e cila do të përfitojë 11 milionë euro në vit.
Lojtari po stërvitet ndërkohë me Juventusin, në pritje të akordit mes dy klubeve. Kjo, pasi PSG nuk ka ende një “po” përfundimtare nga Juventusi, duke shpresuar që bardhezinjtë të ulin çmimin që i kanë vënë kartonit të futbollistit, të cilin e vlerësojnë 80 milionë euro. Negociatat për të pritet të vijojnë gjatë javës, por Vlahoviç është me valixhet gati, i bindur se shumë shpejt do të bëhet një futbollist i parisienëve.
PANORAMASPORT.AL
