Besiktas është hedhur në “sulm” së fundmi në merkato. Sipas raportimeve të medieve turke, Besiktas ka mbyllur tre transferime.
I para që do bashkohet me skuadrën turke është Lyanco, i cili do të largohet nga Southampton pas dy sezonesh.
Nga Premier League me Besiktas do të bashkohet edhe Daniel Amartey, të cilit kontrata me Leicester-in skadoi më 30 qershor.
Mbrojtësi ganez do të firmosë për katër sezone me klubin turk me pagë 1.9 milionë euro në vit.
Ndërsa lojtari i tretë që do të firmosë me Besiktas është Jean Onana nga Lens. Mesfushori kameruanas do firmosë për katër sezone dhe do paguhet 1.5 milionë euro në vit.
