Pierre-Emerick Aubameyang është larguar nga Chelsea për t`u bashkuar me Olympique de Marseille.
Njoftimi ka ardhur të premtën nga klubi francez.
Ish-sulmuesi i Arsenalit në shtatorin e vitit të kaluar iu bashkua Chelseas nga Barcelona duke nënshkruar një kontratë dyvjeçare, por pas largimit të Thomas Tuchel nga roli i trajnerit dukej gjithnjë e më e qartë se qëndrimi i tij në “Stamford Bridge” nuk do të ishte i gjatë.
Ai në pesëmbëdhjetë paraqitje në Premier League për “Blutë” ia doli të shënojë vetëm një gol.
Aubameyang ka përvojë në Ligue 1 pasi më herët ka luajtur për St Etienne, Dijon, Lille dhe Monaco.
