Hoffenheim ka transferuar mbrojtësin hungarez Attila Szalai nga skuadra turke Fenerbahce, ka njoftuar klubi i Bundesligës.
Sipas njoftimit, bëhet fjalë për një kontratë katërvjeçare.
Szalai iu bashkua Fenerbahhes në janar të vitit 2021 nga skuadra qipriote Apollon Limassol.
Hungarezi e ndihmoi skuadrën turke ta fitojë Kupën e Turqisë në sezonin 2022-23, si dhe të përfundojë në vendin e dytë, pas Galatasarayt.
Hoffenheim nuk ka bërë të ditur vlerën e transferimit, por sipas mediave gjermane marrëveshja mund është dymbëdhjetë milionë euro.
