Armando Sadiku ka nisur zyrtarisht aventurën e tij të re në Indi.
Sulmuesi i kombëtares shqiptare ka firmosur për Belagata Mariners dhe do të vazhdojë karrierën në kampionatin indian.
Një lëvizje e rëndësishme ekonomike për sulmuesin, por edhe për klubin indian i cili kërkon që të përfaqësohet denjësisht edhe në aktivitetet kontinentale në një sport që po fiton gjithnjë e më shumë popullaritet në vend. Sadiku është afruar si golashënues me karrierë të rëndësishme në Europë dhe pritja që i është bërë atij në stërvitjen e parë ka qenë mbresëlënëse.
Tifozë të shumte kanë pushtuar hyrjen e fushës stërvitore, me kore për futbollistët, duke i përshëndetur me lule apo duke kërkuar autografe dhe foto me ta.
