Tifozët e ekipit serb Crvena Zvezda, kanë prezantuar sot një koreografi skandaloze.
Tifozët e quajtur ‘Delije’ hapi me brohoritje ndeshjen miqësore ndaj Fiorentinës dhe më pas, 12 minuta e 44 sekonda pas fillimit të ndeshjes, realizuan edhe një koreografi që bëri xhiron e shpejtë në të gjithë rajonin.
Është një koreografi e turpshme me tifozët serbë që kërkojnë kthimin e Kosovës në Serbi.
Pikërisht në minutën e 12-të dhe sekondën e 44-të ka nisur koreografia në tribunën veriore. Ky moment është zgjedhur simbolikisht sepse i referohet Rezolutës 1244 të Kombeve të Bashkuara për Kosovën dhe Metohinë.
Në koreografi shihet një tank i madh, në sfondin e të cilit është flamuri serb dhe poshtë tij shkruhet mesazhi “Kur të kthehet ushtria në Kosovë”.
Kështu na kujton ‘Delije’ se në Rezolutën 1244 thuhet se në Kosovë duhet të jenë të pranishëm 1000 pjesëtarë të ushtrisë serbe./Lajmi.net/
