Onur Bulut nuk do ta harrojë kurrë emrin e Tiranës. Mbrojtësi i djathtë, i cili sot luaji mesfushor në sfidën e Beshiktashit me bardheblutë në Ligën e Konferencës, ka shkruar historinë e klubit turk falë golit që shënoi.
Në minutën e 21-të të ndeshjes, ishte pikërisht Bulut ai i cili i dha avantazhin Beshiktashit me një depërtim në zonë, duke shënuar golin e parë në ndeshje zyrtare në këtë sezon për skuadrën turke. Një promovim i mirë për futbollistin i cili luajti sot vetëm për shkak të mungesës së Gezal të dëmtuar.
Por pikërisht kjo ndeshje i dha mundësinë atij që të bëhej një emër i njohur përgjithmonë në historinë e Beshiktashit, pasi goli i shënuar prej tij është i 300-ti i realizuar nga klubi në fjalë në kompeticionet ndërkombëtare.
PANORAMASPORT.AL
