Juventusi duket se është i kënaqur me mospraninë në Europë në këtë edicion dhe vendimi i UEFA-s për ta përjashtuar nga Liga e Konferencës, nuk do të shohë etapa të mëtejshme gjyqësore nga bardhezinjtë.
Menjëherë pasi u bë publik vendimi i UEFA-s për të dënuar me një vit mospjesëmarrje në Europë bardhezinjtë për parregullsitë në bilancet financiare, klubi italian bëri të ditur se përtej kundërshtive që kishte, nuk do të apelonte vendimin.
“Juventusi, edhe pse vazhdon të cilësojë shkeljet e supozuara të papajtueshme dhe veprimet e të sakta, deklaron se e pranon vendimin duke hequr dorë nga apelimi, por duke e përjashtuar në mënyrë të qartë, dhe komisioni i UEFA-s e ka marrë parasysh atë, se kjo mund të përbëjë një pranim të përgjegjësisë”, shkruhej në komunikatën për shtyp të Juventusit që kësisoj, ka pranuar vendimin, por jo fajin.
Një situatë që duket se ka gëzuar bardhezinjtë, pasi shlyejnë çdo lloj dënimi që mund të dilte nga UEFA në të ardhmen, ndërsa largohet edhe nga një turne “i bezdisshëm” për klubet e mëdha, që nuk sigurojnë të ardhura të mjaftueshme nga pjesëmarrja në një aktivitet të tillë.
PANORAMASPORT.AL
