UEFA vendosi që të përjashtonte zyrtarisht Juventusin nga Liga e Konferencës për sezonin e ardhshëm. Ky vendim i marrë ditën e djeshme, në fakt u mirëprit nga Juventusi, duke qenë se torinezët synojnë që sezonin e ri të kualifikohen në Champions dhe një përjashtim i mundshëm, do të ishte më i rëndë.
Në fakt, përveç përjashtimit dhe gjobës që arrin në 20 milionë euro, humbjet për bardhezinjtë janë të konsiderueshme për shkak të mungesës së aktiviteteve europiane. Mediat italiane kanë bërë një llogaritje të përfitimeve që mund të kishte Juventusi në rast se nuk do të përjashtohej.
Duke shtuar edhe gjobën që rëndon bilancin e bardhezinjve, vlera e humbjes vjetore shkon në 80 milionë euro. Megjithatë, ana pozitive e vendimit është që Juventusi do të ketë më shumë mundësi për të përgatitur ndeshjet e kampionatit dhe pse jo për të synuar titullin kampion.
PANORAMASPORT.AL
