Interi ka arritur të fitojë me përmbysje kundër PSG-së në sfidën e zhvilluar në Tokio, e cila u mbyll me rezultatin 1-2.
Të parët që kaluan në avantazh ishin parizienët me anë të një supergoli të shënuar nga Vitinja në minutën e 63’.
Gjithsesi për zikaltrit mendoi stoli, me Espoziton dhe Sensin që shënuan dy gola në dy minuta përpara fundit të takimit për të përmbysur shifrat.
Në këtë sfidë u aktivizua dhe Asllani në minutën e 64’, duke dhënë kontributin e tij në këtë fitore.
Kështu Interi e mbyll me triumf fazën përgatitore në Japoni, teksa më 9 gusht do të përballet me RB Salcburg.
Nga ana tjetër PSG do të luajë kundër skuadrës koreane të Xheonbuk më 3 gusht.
REZULTATI:
PSG 1-2 INTER
Vitinja 63′ / Espozito 81′, Sensi 83′
NGJARJET KRYESORE:
90+4′ Mbyllet sfida me fitoren e Interit!
86′ Asllani provon me një gjuajtje nga goditja e dënimit, por topi përplaset në mur dhe shkon në goditje këndi.
83′ GOOOL INTER 1-2/ Kundërsulm fantastik i zikaltërve, me Sensin që finalizon siç duhet për të përmbysur shifrat.
81′ GOOOL INTER 1-1/ Espozito merr një top brenda zonës nga Fratezi dhe me një gjuajtje ndëshkon Donarumën.
79′ Kuadrado lëviz bukur në hyrje të zonës dhe godet portën, por Donaruma arrin t’i mohojë golin.
67′ Zëvendësim te Interi. Largohet Çalhanoglu dhe në vendin e tij futet Asllani.
63′ GOOOL PSG 1-0/ Vitinja provon me një gjuajtje nga distanca dhe ndëshkon Stankoviç.
58′ Vitinja provon me një gjuajtje nga distanca, e cila shkon ngjitur me shtyllën.
46′ Nis pjesa e dytë!
45+1′ Mbyllet pjesa e parë!
28′ Interi provon me një skemë nga goditja e dënimit, me gjuajtjen e Çalhanoglus që ndalet nga Donaruma.
20′ Lautaro provon të shtangë Donarumën me një gjuajtje nga distanca, por gardiani italian e kontrollon pa probleme.
17′ Fabian provon me të djathtën, por Stankoviç e kontrollon pa probleme.
14′ Asensio shfaqet sërish i rrezikshëm në zonë, teksa shtylla i mohon golin sulmuesit spanjoll.
8′ Asensio provon me një gjuajtje pas një skeme nga goditja e dënimit, por Stankoviçi mohon golin parizienëve.
1′ Starton sfida!
FORMACIONET ZYRTARE:
PSG: Donaruma, Hakimi, Markinjos, L. Hernandez, Shkriniar, Ugarte, Vitinja, Fabian Ruiz, Zaire-Emeri, Soler, Asensio.
Trajner: Luis Enrike
INTER: F. Stankoviç, Darmian, Açerbi, Bastoni, Dumfris, Barela, Çalhanoglu, Mkhitarjan, Dimarko, Turam, Lautaro.
Trajner: Simone Inzagi
PANORAMASPORT.AL
