Ndeshjet e sotme në kompeticionet e UEFA-s kanë parë në fushën e lojës skuadrat e Partizanit dhe Strugës që kanë siguruar kalimin në turin tjetër të Ligës së Konferencës. Por edhe sfidat e tjera të luajtura sot si në këtë turne, ashtu edhe në Ligën e Kampioneve, kanë dhuruar rezultate të rëndësishme.
BATE Borisov, i cili eliminoi Partizanin nga Champions, sot është mundur përsëri me goleadë nga qipriotët e Aris. Pas humbjes 2-6 në ndeshjen e parë, sot është mundur 3-5 dhe tani do të vazhdojë rrugëtimin në Ligën e Europës. I njëjti fat edhe për Ludogorets që eliminoi Ballkanin nga Champions, teksa u eliminua vetë përballë Olimpija Ljubljanës.
Ndërkohë, në Ligën e Konferencës, bie në sy surpriza e Hesperanzh të Luksembugut, që eliminoi TNS të Uellsit me fitoren 3-2 dhe tashmë do të luajë përballë Strugës në turin tjetër të turneut.
REZULTATET
LIGA E KAMPIONEVE
Panathinaikos-Dnjipro 2-2
BATE-Aris 3-5
Olimpija Ljubljana-Ludogorets 2-1
Sllovan Bratislava-Zrinjski 2-2
LIGA E KONFERENCËS
Valmiera-Tre Pene 7-0
Balzan-Neman 0-0
Zimbru-Fenerbahçe 0-4
Hesperanzh-TNS 3-2
Partizani-Atletik Eskaldes 4-1
Buduçnost-Struga 3-4
*Më të theksuara skuadrat e kualifikuara në turin tjetër.
PANORAMASPORT.AL
