Barcelona ka arritur të marrë fitoren e dytë radhazi në përgatitore, duke mundur Milanin me rezultatin 1-0. Një supergol i shënuar nga Ansu Fati në pjesën e dytë, i ka mjaftuar skuadrës së Çavit për të arkivuar një tjetër triumf në turneun e Amerikës.
Në fakt, katalanasit kanë arritur të dominojnë gjatë gjithë takimit, duke krijuar raste të shumta shënimi, teksa vetëm një gol ka mjaftuar për këtë takim. Dy trajnerët kanë pasur mundësinë të shohin edhe një herë tjetër skuadrën e tyre para fillimit të kampionatit.
Për Milanin, kjo ishte humbja e tretë në fazën përgatitore në Amerikë. Fillimisht, kuqezinjtë u mundën nga Reali me rezultatin 3-2, më pas nga Juventusi me penallti dhe tashmë nga Barcelona.
FORMACIONET:
MILAN: Menjo, Teo, Tomori, Çau, Florenci, Rejinders, Kruniç, Loftus-Çik, Leao, Pulisiç, Zhiru
Trajner. Stefano Pioli
BARCELONA: Pena, Kunde, Garsia, Arauho, Alonso, Pedri, Romeu, Lopez, Rafinja, Abde, Torres
Trajner. Çavi
PANORAMASPORT.AL
