Lionel Messi ka emëruar dhjetë lojtarët më të mirë të atyre me të cilët ka qenë në të njëjtin ekip.
Argjentinasi e filloi karrierën e tij profesionale te Barça, ku shënoi 672 gola në 778 ndeshje dhe u bë një nga futbollistët më të mëdhenj të të gjitha kohërave. Kjo u pasua nga një periudhë dyvjeçare në PSG, kohë gjatë së cilës Leo më në fund fitoi trofeun që i kishte shpëtuar deri atëherë, Kupën e Botës.
Messi tani po fillon një kapitull të ri në karrierën e tij në Inter Miami, ku do të luajë së bashku me ish-bashkëlojtarët e Barçës, Sergi Busquets dhe Jordi Alba.
Ai ka pasur mundësinë të luajë përkrah ikonave të vërteta të futbollit dhe në një intervistë për Titan Sports ka zgjedhur dhjetë nga më të mirat prej tyre.
“Ronaldinho, Deco, Eto’o, Suarez, Xavi, Iniesta, Busquets. Isha me fat që luaja me lojtarët më të mirë dhe kënaqesha duke punuar me ta. Meqë ra fjala, pothuajse e harrova Neymarin, sepse kishte shumë nga më të mirët. Duhet të ketë shumë lojtarë që harrova të përmend. Isha me fat që luaja me lojtarët më të mirë, me sulmuesit më të mirë. Mes tyre janë Neymar, Eto’o, Suarez, Ibrahimovic, David Villa e shumë të tjerë. Ishte gjithmonë e lehtë të luaja me ta”. /G.D abcnews.al/
