Leo Mesi ka shkëlqyer sërish në Amerikë, duke realizuar një tjetër dygolësh. Ylli argjentinas ishte vendimtar në fitoren që skuadra e tij mori ndaj Orlandos me rezultatin 3-1, aty ku me dy golat e tij ndihmoi skuadrën që të kalonte në 1/8-at e Kupës së Amerikës për zonën veriore dhe qendrore.
Në minutën e 7 të ndeshjes, Mesi ka zhbllokuar rezultatin por 10 minuta më vonë, miqtë arritën të barazonin në 1-1. Ndërkohë në të dytën ishte Martinez që ktheu në gol një penallti . në minutën e 72. Mesi arriti të realizonte edhe golin e tretë për skuadrën e tij dhe të dytin personal.
Për argjentinasin kjo ishte ndeshja e tretë me fanellën e Inter Majemit pas prezantimit, teksa ka shënuar 5 gola dhe ka dhënë 1 asist. Që nga dita kur Mesi ka nisur të luajë me Inter Majemit, skuadra e tij numëron 3 fitore duke i dhënë fund një ecurie tepër negative që e kishte kapluar ekipin prej muajsh.
PANORAMASPORT.AL
