Skuadra e FC Prishtinës ka marrë një “email” nga Federata e Futbollit të Kosovës, ku iu është kërkuar të mos luajë ndeshjet e para në stadiumin “Fadil Vokrri”, shkak i dëmtimit të fushës.
Drejtori i FC Prishtinës, Artan Osmani potencon se ata janë gati të mos luajnë që fusha të mirëmbahet për takimet e kombëtares, megjithatë sipas tij as Ballkani nuk duhet të luajë në “Fadil Vokrri”, shkruan GazetaBlic Sport.
“Kjo fushë vazhdimisht kur ka ardhë puna me lujtë Prishtina ka pas probleme”, tha fillimisht Osmani.
“Është arsyetimi i lojës së kombëtares, sepse sa i përket lojës së Ballkanit as nuk ishim mërzit për atë punë, as s’e kishim diskutu opsionin me lujtë fushe. Për kombëtaren jemi dakord, është ekip nacional krejr kemi qejf me pa mirë, sa i përket asaj që me rujtë fushën për Ballkanin, e mos me lujtë na, ajo punë s’ka me ndodhë. Nëse Ballkani luan të enjten në “Fadil Vokrri”, edhe ne do luajmë gjithsesi në vikend”, përfundoi drejtori i klubit.
