Samuel Chukwueze ka zbuluar se si Stefano Pioli, tifozët e Milanit dhe ylli i Napolit, Victori Osimhen e bindën atë që të kalojë nga La Liga në Serie A.
Procesi i bisedimeve morri paksa kohë për ta thyer rezistencën e Villarrealit, pasi ky i fundit dëshironte 35 milionë euro për Chukwuezen, por eventualisht pranoi një ofertë prej 20 milionë eurosh dhe tetë milionë euro të tjera në formë të bonuseve, përcjellë lajmi.net.
Chukwueze bëri prezantimin e tij te Milani në një konferencë për media sot, pasi që e bëri debutimin e tij në minutat e fundit të barazimit 1:1 në Trofeun Berlusconi kundër Monzas, ndeshje kjo të cilën “Rossonerët” e fituan në penallti.
Tani, Chukwueze ka zbuluar arsyen se çka e shtyu t’i bashkohet Milanit.
“Nuk kam ardhur këtu për të shikuar apo për të fituar para, jam këtu për të fituar trofe. Puna ime është luaj futboll dhe të shkruaj emrin tim në historinë e Milanit, kështu që njerëzit do të më mbajnë mend në të ardhmen. Nuk mund të vij këtu dhe të mos fitojë. Prioriteti im është për të fituar diçka, Scudetto, Liga e Kampionëve dhe Kupa e Italisë”, tha ai./Lajmi.net/
