Folarin Balogun nuk do të jetë përforcimi i ri i Interit në sulm. Këto janë raportimet e fundit që vijnë nga Italia.
Sipas “Sportmediaset”, zikaltërit kanë vendosur të largohen nga gara për sulmuesin amerikan të Arsenalit. Në këto moment lista për repartin ofesiv, është e ngushtuar në dy emra, Marko Arnautoviç dhe Mehdi Taremi.
Gjasat janë të mëdha që të kemi një rikthim të austriakut Aranautoviç te Interi. 34-vjeçari ka qenë pjesë e zikaltërve në sezonin 2009-2010, sezon i lavdishëm ky, kur Interi fitoi edhe tripletën. Arnautoviç u aktivizua 3 ndeshje pa arritur të gjejë rrugën e rrjetës.
Vlen të theksohet fakti se klubi i Bolonjës kërkon 7-8 milionë euro për ta lënë të lirë Arnautoviçin që të bashkohet me skuadrën e Inzagit. Ndërkohë për sa i përket sulmuesit të Portos, Taremi, klubi portugez kërkon 30 milionë euro.
PANORAMASPORT.AL
