Herri Kejn do të jetë lojtari më i ri i Bajern Mynihut pasi ditën e djeshme, palët kanë arritur akordin për transferimin e tij. Megjithatë gjërat nuk kanë shkuar edhe aq mirë sot, kur ishte planifikuar edhe fluturimi drejt Mynihut.
Kejn ka mbërritur në aeroportin e Stansted aty ku me një avion privat do të nisej për në Mynih. Megjithatë klubi e ka ndalur Kejnin për disa orë. Mediat angleze raportojnë se presidenti Levi ka kërkuar edhe një herë të fundit që të rinovojë me Kejnin por ka qenë gjithçka e kotë ndërkohë që ka pasur edhe disa pika në marrëveshje që duheshin ndryshuar.
Duke qenë se presidenti ishte në Amerikë, ndryshimi i orarit ka bërë që Kejn të qëndrojë për disa orë në aeroport. Megjithatë gjithçka është qartësuar dhe më pas futbollisti ka marrë miratimin që të niset në drejtim të Mynihut.
PANORAMASPORT.AL
