Mëngjesin e kësaj të premteje, “të kuqtë” e Liverpool bënë një ofertë prej 110 milionë paundë për kartonin e Moises Caicedo, ofertë kjo që u pranua nga “pulëbardhat” e Brighton, por që u refuzua nga vetë lojtari.
Sipas raportimeve më të fundit nga tabloidet britanike, “blutë” e Chelsea dëshirojnë të mbyllin sa më shpejt negociatat për kartonin e 21-vjeçarit ekuadrian, teksa ka vendosur të ofrojë më shumë se 110 milionët e Liverpool.
Tashmë është mëse e dukshme se transferimi i Caicedo drejt Chelsea do të vendosë një rekord të ri transferimesh në Premier League, teksa deri më tani rekordi mbahet po nga “blutë” e Londrës, pas transferimit të Enzo Fernandez për 107 milionë paundë.
