Ballkani vazhdoi me fitore rrugëtimin drejt kualifikimit në Europa Conference League.
Skuadra e drejtuar nga Ilir Daja dje arriti ta mposht skuadrën nga Gjibraltari, Lincoln Imps me rezultat 2-0, shkruan GazetaBlic Sport.
Analisti i futbollit kosovar, Erdin Hashani në një intervistë për GazetaBlic Sport ka komentuar fitoren e djeshme të Ballkanit.
“Një paraqitje e mirë perderisa e merr rezulltatin pozitiv. Një pjesë e parë jo aq e mirë e Ballkanit ndërsa në pjese e dytë një fytyrë e një kampioni. Gjë që edhe perfundojë me dy gola në të mirë të Ballkanit, përparësia është sepse nuk ka pranuar gol dhe kjo në ndeshje të tilla të jep përparësi. E kishte një kundërshtar që nuk është i panjohur sepse Drita këtë kundërshtar e kishte kaluar”, tha fillimisht ai.
“A pres qe te kualifikohet normal që po, por me atë që u pa në 90 minutat e parë nuk është se ka me pas të lehtë te kualifikohet”, shtoi ai.
Hashani komentoi edhe largimin e Albion Rrahmanit nga Ballkani duke thënë se do të jetë e vështirë të zëvendësohet një sulmues si ai.
“Mendoj që mungesa e tij do të vërehet njëjtë sikur edicionin e kaluar që u vërejt aq shumë mungesa e Krasniqit, kështu që edhe me largimin e Rrahmanit Ballkani do ta ketë të vështirë të gjejë një sulmues të tillë”.
