Milani e rikthen interesimin për Armando Brojën
Milani është në kërkim të një sulmuesi tjetër për sezonin 2023/24.
Për këtë siguron mediumi italian “La Gazzetta dello Sport”.
E në mesin e objektivave të “Rossoneri”, gjithnjë sipas mediumit italian, është edhe Armando Broja.
Përfaqësuesi shqiptar nuk bën pjesë në planet e Chelseat, i cili po mundohet ta sistemojë diku tjetër lojtarin.
Kuqezinjtë mund ta marrin sulmuesin në formë huazimi, me mundësi blerjeje.
Ky transfer mund të realizohet lehtësisht duke i pasur parasysh marrëdhëniet e shkëlqyeshme mes dy klubeve.
Ndërkohë, Milani e ka në listë edhe sulmuesin Ekitike, i cili nuk bën pjesë në planet e Paris Saint-Germainit.
Teilen:
