Brentford-Crystal Palace ndajnë pikët në takimin e javës së tretë të Premier League që u mbyll me barazimin 1-1.
Vendasit zhbllokuan sfidën në minutën e 18’, me Schade që gjeti golin pas asistit të Norgaard dhe bëri që pjesa e parë të mbyllej me rezultatin 1-0.
Sfida vazhdoi me këtë rezultat deri në minutën e 76’, moment në të cilin Andersen realizoi golin e barazimit pas asitit të Ayew.
Në fund skuadrat ndanë pikët dhe pas javës së tretë Brentford renditet në vend të gjashtë me pesë pikë, teksa Crystal Palace renditet në vend të 10-të me katër pikë.
Wolves merr pikët e para të sezonit dhe atë e bën në transfertën ndaj Everton.
Pjesa e parë e sfidë që u luajt në “Goodison Park” u mbyll me barazim pa gola, pavarësisht tentativave nga të dyja anët.
Goli i vetëm i këtij takimi u shënua në minutën e 87’, me Kalajdzic që gjeti rrugën drejt rrjetës pas asistit të Neto.
Në fund gjithçka u mbyll me rezultatin 0-1, me Everton që qëndron në vend të fundit me zero pikë, teksa Wolves renditet në vend të 15-të me tre pikë.
